"Отбасым-бақыт мекенім" тақырыбында сыныптан тыс іс-шара
«Балапан құс ұяда не көрсе, ұшқанда соны ілер» дейді халық даналығы. Ұрпақ өн бойына ізгі адамгершілік нәрін сіңіру, ғұмыр жолында бағыт нұсқар шамшырағындай жарқын үлгі көрсету, өнеге-тағылымы мол дүниелерге, жақсылық атаулыға баулу – ата-ананың басты парызы. Береке-бірлігі, тату тірлігі жарасым тапқан жанұя – салауатты қоғамның басты тірегі. №176 мектеп-гимназиясының 2"Ә" сынып жетекшісі Омаргазинова Гүлмира "Отбасым-бақыт мекенім" тақырыбында сыныптан тыс іс-шара өтті. Сабақтың мақсаты: Оқушылардың отбасы,жан ұя туралы білімдерін шыңдай түсу,отбасы құндылықтарының маңызын дәріптеу. Сабақ барысында оқушылар тақырыпқа сәйкес нақыл сөздер айтып, еркін ой алмасты. "Отбасы-бақыт мекені" бейнеролигі көрсетіліп, кейіпкерлердің іс-әрекеттері талқыланды.